മറിസ്തംഭനം നീക്കം ചെയ്യുന്ന കേരളത്തിലെ ഒരേയൊരു ക്ഷേത്രം!
ഒരു തേങ്ങയുടെ പുറത്ത് നെയ്ത്തിരി തെളിയിച്ച്, ജീവിതത്തിലെ പ്രതിസന്ധികളെ മറികടക്കുന്നതായി സങ്കൽപ്പിച്ച് നടത്തുന്ന അപൂർവമായൊരു വഴിപാട്!
കണ്ണൂർ ജില്ലയിലെ ഇരിക്കൂറിലുള്ള മാമാനിക്കുന്ന് ശ്രീ മഹാദേവി ക്ഷേത്രത്തിലാണ് പ്രസിദ്ധമായ മറിസ്തംഭനം നീക്കൽ അഥവാ മറികൊത്തൽ എന്ന ചടങ്ങ് നടക്കുന്നത്.
ജീവിതത്തിലെ വിഘ്നങ്ങളെയും പ്രതിസന്ധികളെയും ഒരു നാളികേരത്തിൽ സങ്കൽപ്പിക്കുന്നു. നാളികേരത്തിന്റെ പുറത്ത് ദേവീപ്രതീകമായി നെയ്ത്തിരി തെളിയിക്കുന്നു. തുടർന്ന് ആചാരപ്രകാരം മൂന്ന് തവണ അതിനെ മറികടന്ന് വാളുപയോഗിച്ച് നാളികേരം കൊത്തിയുടയ്ക്കുന്നു.
ജീവിതത്തിലെ തടസ്സങ്ങളും ദുരിതങ്ങളും നീങ്ങി ഐശ്വര്യവും അഭിവൃദ്ധിയും ഉണ്ടാകണമെന്ന വിശ്വാസത്തോടെയാണ് ഭക്തർ ഈ വഴിപാട് നടത്തുന്നത്.
ഈ ക്ഷേത്രത്തിന്റെ മറ്റൊരു പ്രത്യേകത ഇവിടുത്തെ പരമ്പരാഗത പൂജാസമ്പ്രദായമാണ്. അബ്രാഹ്മണരായ പ്ലാരന്മാരാണ് ക്ഷേത്രത്തിലെ പൂജാകർമങ്ങൾക്ക് പാരമ്പര്യമായി നേതൃത്വം നൽകുന്നത്.
ശാക്തേയ ആരാധനാ പാരമ്പര്യവും കൗളമാർഗ പൂജാസമ്പ്രദായവും നിലനിൽക്കുന്ന അതിപ്രാചീന ക്ഷേത്രങ്ങളിലൊന്നാണ് മാമാനിക്കുന്ന്.
ക്ഷേത്രം: മാമാനിക്കുന്ന് ശ്രീ മഹാദേവി ക്ഷേത്രം സ്ഥലം: ഇരിക്കൂർ ജില്ല: കണ്ണൂർ സംസ്ഥാനം: കേരളംവിശ്വാസത്തിന്റെയും പാരമ്പര്യത്തിന്റെയും അപൂർവമായ ആചാരങ്ങളുടെയും സംഗമഭൂമി യാണ് മാമാനിക്കുന്നിലമ്മയുടെ തിരുസന്നിധി.
മാമാനിക്കുന്നിലമ്മേ ശരണം!
Comments
Post a Comment