ദുർഗ്ഗാ കവചം പതിവായി പാരായണം ചെയ്യുന്ന വ്യക്തിക്ക് എല്ലാ ദോഷങ്ങളിൽ നിന്നും സംരക്ഷണം ലഭിക്കുമെന്ന് പറയപ്പെടുന്നു. അവർക്കു വലിയ ഭാഗ്യവും പ്രശസ്തിയും എല്ലാ ആഗ്രഹങ്ങളുടെയും പൂർത്തീകരണവും ലഭിക്കുന്നു. നിങ്ങൾക്ക് ചുറ്റുമുള്ള മോശമായ അവസ്ഥകളെ ഇല്ലാതാക്കുന്നതിനുള്ള ശക്തമായ സ്തോത്രമായി ദേവി കവചം കണക്കാക്കപ്പെടുന്നു. ഏതെങ്കിലും ദുരാത്മാവിൽ നിന്ന് ഒരാളെ സംരക്ഷിക്കുന്നതിനുള്ള ഒരു കവചമായി ഇത് പ്രവർത്തിക്കുന്നു
ദുർഗാ കവചം
ശ്രീനാരദ ഉവാച.
ഭഗവൻ സർവധർമജ്ഞ സർവജ്ഞാനവിശാരദ.
ബ്രഹ്മാണ്ഡമോഹനം നാമ പ്രകൃതേ കവചം വദ.
ശ്രീനാരായണ ഉവാച.
ശൃണു വക്ഷ്യാമി ഹേ വത്സ കവചം ച സുദുർലഭം.
ശ്രീകൃഷ്ണേനൈവ കഥിതം കൃപയാ ബ്രഹ്മണേ പുരാ.
ബ്രഹ്മണാ കഥിതം പൂർവം ധർമായ ജാഹ്നവീതടേ.
ധർമേണ ദത്തം മഹ്യം ച കൃപയാ പുഷ്കരേ പുരാ.
ത്രിപുരാരിശ്ച യദ്ധൃത്വാ ജഘാന ത്രിപുരം പുരാ.
മുമോച ബ്രഹ്മാ യദ്ധൃത്വാ മധുകൈടഭയോർഭയാത്.
സഞ്ജഹാര രക്തബീജം യദ്ധൃത്വാ ഭദ്രകാലികാ.
യദ്ധൃത്വാ ഹി മഹേന്ദ്രശ്ച സമ്പ്രാപ കമലാലയാം.
യദ്ധൃത്വാ ച മഹായോദ്ധാ ബാണഃ ശത്രുഭയങ്കരഃ.
യദ്ധൃത്വാ ശിവതുല്യശ്ച ദുർവാസാ ജ്ഞാനിനാം വരഃ.
ഓം ദുർഗേതി ചതുർഥ്യന്തഃ സ്വാഹാന്തോ മേ ശിരോഽവതു.
മന്ത്രഃ ഷഡക്ഷരോഽയം ച ഭക്താനാം കല്പപാദപഃ.
വിചാരോ നാസ്തി വേദേ ച ഗ്രഹണേഽസ്യ മനോർമുനേ.
മന്ത്രഗ്രഹണമാത്രേണ വിഷ്ണുതുല്യോ ഭവേന്നരഃ.
മമ വക്ത്രം സദാ പാതു ഓം ദുർഗായൈ നമോഽന്തകഃ.
ഓം ദുർഗേ ഇതി കണ്ഠം തു മന്ത്രഃ പാതു സദാ മമ.
ഓം ഹ്രീം ശ്രീമിതി മന്ത്രോഽയം സ്കന്ധം പാതു നിരന്തരം.
ഹ്രീം ശ്രീം ക്ലീമിതി പൃഷ്ഠം ച പാതു മേ സർവതഃ സദാ.
ഹ്രീം മേ വക്ഷസ്ഥലേ പാതു ഹം സം ശ്രീമിതി സന്തതം.
ഐം ശ്രീം ഹ്രീം പാതു സർവാംഗം സ്വപ്നേ ജാഗരണേ സദാ.
പ്രാച്യാം മാം പാതു പ്രകൃതിഃ പാതു വഹ്നൗ ച ചണ്ഡികാ.
ദക്ഷിണേ ഭദ്രകാലീ ച നൈർഋത്യാം ച മഹേശ്വരീ.
വാരുണ്യാം പാതു വാരാഹീ വായവ്യാം സർവമംഗലാ .
ഉത്തരേ വൈഷ്ണവീ പാതു തഥൈശാന്യാം ശിവപ്രിയാ.
ജലേ സ്ഥലേ ചാന്തരിക്ഷേ പാതു മാം ജഗദംബികാ.
ഇതി തേ കഥിതം വത്സ കവചം ച സുദുർലഭം.
യസ്മൈ കസ്മൈ ന ദാതവ്യം പ്രവക്തവ്യം ന കസ്യചിത്.
ഗുരുമഭ്യർച്യ വിധിവദ് വസ്ത്രാലങ്കാരചന്ദനൈഃ.
കവചം ധാരയേദ്യസ്തു സോഽപി വിഷ്ണുർന സംശയഃ.
സ്നാനേ ച സർവതീർഥാനാം പൃഥിവ്യാശ്ച പ്രദക്ഷിണേ.
യത്ഫലം ലഭതേ ലോകസ്തദേതദ്ധാരണേ മുനേ.
പഞ്ചലക്ഷജപേനൈവ സിദ്ധമേതദ്ഭവേദ്ധ്രുവം.
ലോകേ ച സിദ്ധകവചോ നാവസീദതി സങ്കടേ.
ന തസ്യ മൃത്യുർഭവതി ജലേ വഹ്നൗ വിഷേ ജ്വരേ.
ജീവന്മുക്തോ ഭവേത്സോഽപി സർവസിദ്ധീശ്വരീശ്വരി.
യദി സ്യാത്സിദ്ധകവചോ വിഷ്ണുതുല്യോ ഭവേദ്ധ്രുവം.
Comments
Post a Comment